പൗരന് ആശ്വാസമാകാത്ത നീതി പീഠം

“മെറ്റീരിയലിസം” ആണല്ലോ നമ്മുടെ നീതി ബോധം അളക്കാന്‍ കോടതികള്‍ ഉപയോഗിക്കുന്നത്. തെളിവുകള്‍ അതാണ്‌ പ്രധാനം. നമ്മുടെ ഭാരതത്തിലെ കോടതികളില്‍ 50% കേസ്സുകളും സത്യം ജയിക്കാതെ പ്രതികള്‍ ജയിച്ച ചരിത്രമാണുള്ളത്. അത് നമ്മുടെ ജുഡീഷ്യല്‍ വിവസ്ഥയുടെ ഒരു പോരയ്മകൂടിയാണ്. ലോകത്ത് ഏറ്റവും കുറവ് ശിക്ഷകള്‍ വിധിക്കുന്ന രാജ്യം ഏതെന്നു ചോദിച്ചാല്‍ നമുക്ക് പറയാന്‍ സാധിക്കുക സൌദി അറേബ്യ എന്നാകുന്നു. കാരണം അവിടെത്തെ കോടതികള്‍ ഇളവുകള്‍ നല്‍കുന്നതല്ല, മറിച്ചു അവിടെ നല്‍കുന്ന ശിക്ഷ പൊതുജനങ്ങള്‍ അറിയേ തന്നെ "നടപ്പിലാക്കുന്നു". അതിനാല്‍ ജനങ്ങള്‍ ശിക്ഷയുടെ കാഠിന്യത്തെ കുറിച്ച് ബോധവാന്‍മാര്‍ ആകുന്നു. അതുവഴി കുറ്റകൃത്യങ്ങള്‍ കുറയുന്നു. നമ്മുടെ നിയമത്തിന്‍റെ പഴുതുകള്‍ ഉപയോഗപ്പെടുത്തി നാട്ടില്‍ ദിനംപ്രതി കുറ്റകൃത്യങ്ങള്‍ കൂടുന്നു.  

നമ്മുടെ രാജ്യത്ത്‌ വ്യക്തികള്‍ക്ക്,  സാമൂഹിക സ്റ്റാറ്റസ് അനുസരിച്ച് ശിക്ഷയുടെ കാലാവധിയും മറ്റും നിര്‍ണ്ണയിക്കേണ്ടി വരുന്നു . ഇവിടെ കോടതികള്‍ക്ക് പരിമിധികള്‍ ധാരാളമാണ്. കോടതികള്‍ ഒരു കേസ്സില്‍ വിധി പറഞ്ഞാല്‍ പിന്നെ അതിനെ എക്സിക്യൂട്ട് ചെയ്യുന്നത് ഭരണകൂടം നിയന്ത്രിക്കുന്ന ഡിപ്പാര്‍ട്ട്മെന്റ്കള്‍ ആകുന്നു. അതിനാല്‍ തന്നെ കോടതികള്‍ക്ക്‌ ശിക്ഷ എത്രമാത്രം നടപ്പാക്കുന്നു എന്നത്‌ നിയന്ത്രണ വിധേയമല്ല. നമ്മുടെ കൊച്ചു കേരളത്തില്‍ നിര്‍ണ്ണായകമായ കുറെ കേസ്സുകള്‍ ഈയിടെ വിധി പറയുകയും എങ്ങനെയാണ് അതിനെ ഭരണകൂടം നടപ്പിലാക്കുകയും ചെയ്തത് എന്ന് നമുക്ക് മനസ്സിലാക്കാന്‍ സാധിക്കും. ബാലകൃഷണപിള്ള ജയിലില്‍ കയിഞ്ഞത് ഏതാനും ദിവസങ്ങള്‍ മാത്രം. അതോ പഞ്ഞനക്ഷത്ര സൗകര്യങ്ങള്‍ നല്‍കിക്കൊണ്ട്. വി എസ് വയസ്സാന്‍ കാലത്ത് കേസ്സ് നടത്തിയത്‌ മിച്ചം.

ഇവിടെ എവിടെയാണ് നമുക്ക് തെറ്റിയത്. നമ്മുടെ വിവസ്ഥകള്‍ മാറേണ്ടത് അനിവാര്യമാണോ? ഇത്തരം കാര്യങ്ങള്‍ ചര്‍ച്ച ചെയ്യാന്‍ നമ്മുടെ പാര്‍ലമെന്‍റ്നു സമയം കിട്ടിയിരുന്നെങ്കില്‍...  മെറ്റീരിയലിസത്തിന്‍റെ അഭാവം അല്ലെങ്കില്‍ തെളിവുകള്‍ ഉണ്ടാക്കാനും അതിനെ സ്വന്തം കാര്യത്തിനു വേണ്ടി ഉപയോഗിക്കാനും നമ്മുടെ ഭരണകൂടം ശരിക്കും പഠിച്ചിട്ടുണ്ട്. അത് അവര്‍ പ്രതിയോഗികളുടെ നേരെ ഉപയോഗിക്കുന്നത് നാം നിസ്സാഹയതയോടെ നോക്കി കാണുന്നു. ഒന്ന് പ്രതികരിക്കാന്‍ കൂടി നമ്മുടെ ജനം മറന്നിരിക്കുന്നു. അവര്‍ ആരുടെയൊക്കെയോ തടവില്‍ കെട്ടപ്പെട്ടിരിക്കുന്നു എന്നുവേണം കരുതാന്‍..

തന്‍റെടവും, കരുത്തും, സൌന്ദര്യവും, യുവത്വവും നിറഞ്ഞു നില്‍ക്കുന്ന ഒരു യുവാവിനെ പത്ത്‌ പന്ത്രണ്ടു വര്‍ഷം നമ്മുടെ ജയിലില്‍ തടവിലാക്കി ഇപ്പോള്‍ കണ്ണ്, കാല് എന്നിവ ശേഷിയില്ലാതെ, എല്ലാ രോഗങ്ങള്‍ക്കും അടിമയായി അകാല വാര്‍ദ്ധക്യം പിടിപ്പെട്ട നമ്മുടെ കൂട്ടത്തില്‍ ഉള്ള ഒരാളെ ജയിലില്‍ അകപ്പെടുത്തിയിട്ടു ഒന്ന് പാടില്ല എന്ന് പറയാന്‍ കൂടി ആളില്ലാത്ത ഒരു അവസ്ഥയില്‍ നീതി പീഠം കനിവ് നല്‍കും എന്ന ഒരൊറ്റ പ്രതീക്ഷയില്‍ നില്‍ക്കുമ്പോഴും നമ്മുടെ ജുഡീഷ്യല്‍ സംവിധാനത്തിന് ഭരണകൂട ഭീകരതയ്ക്ക് ഓശാന പാടാനെ കഴിയുന്നുള്ളൂ എന്ന യാഥാര്‍ത്ഥ്യം നമ്മെ മാറ്റി ചിന്തിപ്പിക്കെണ്ടിയിരിക്കുന്നു. പല നിരപരാധികളും നിരപരാധികള്‍ എന്ന് കോടതി കണ്ടെത്തുന്നത് വരെ, അവര്‍ എന്താണോ തന്‍റെ പേര്‍ക്ക് ചാര്‍ത്തിയ കുറ്റം അതിന്‍റെ ശിക്ഷ അവര്‍ അനുഭവിച്ചു തീര്‍ത്തിരിക്കും. പിന്നെ എങ്ങനെയാണ് നമ്മുടെ ജുഡീഷ്യറി നമുക്ക് നീതി തരും എന്ന് നാം വിശ്വസിക്കുക.

ഒരു ജനാതിപത്യ രാജ്യത്ത്‌ എല്ലാവര്‍ക്കും തുല്ല്യ നീതി എന്നത്‌ ഇന്ന് നമ്മുടെ രാജ്യമായ ഇന്ത്യയില്‍ ലഭിക്കുന്നു എന്ന് നമ്മുടെ ഭരണകൂടത്തിനു ഉറപ്പു തരാന്‍ സാധിക്കുമോ.

ഭരണകൂട ഭീകരതയ്ക്ക് എതിരെ ഒരു നടപടിയെടുക്കുവാന്‍ നമ്മുടെ ജുഡീഷ്യറിക്ക് സാധിക്കുന്നില്ല എന്നല്ല മറിച്ചു അവരുടെ മെറ്റീരിയലിസ്റ്റിക് തെളിവുകളുടെ അടിസ്ഥാനത്തില്‍ കോടതികള്‍ക്ക് വിധി നിര്‍ണ്ണയിക്കേണ്ടി വരുമ്പോള്‍ പലപ്പോഴും അതിനു അനുകൂലമായ സമീപനം എടുക്കേണ്ടി വരുന്ന കാഴ്ച്ചയാണ് നാം ഒട്ടുമിക്ക കേസ്സുകളിലും കാണുന്നത്. ഈയിടെ സൌദിയില്‍ നിന്ന് ഒരു എഞ്ചിനീയറുടെ തിരോധാനം നമ്മെ ഞെട്ടിക്കെണ്ടതാകുന്നു. നമ്മുടെ പോലീസ് അവിടെനിന്നു ആളെ പിടിക്കുകയും, എവിടെയാണ് ഉള്ളത് എന്ന് പറയാന്‍ പോലും ഉത്തരവാദിത്വം കാണിക്കാത്ത നമ്മുടെ ഭരണകൂടം, പിന്നെ ആര്‍ക്കു വേണ്ടിയാണ് ഭരണം കയ്യാളുന്നത്. എന്ത് സുരക്ഷയും സമാധാനവുമാണ് നമുക്ക് ഭരണകൂടം വിഭാവനം ചെയ്യുന്നത്.

ഇവിടെ പൗരന്‍മാരുടെ ഭീതിയും ഉല്‍ക്കണ്ടയും അകറ്റാന്‍ നാം അവസാനമായി ആശ്രയിക്കുന്ന നമ്മുടെ ജുഡീഷ്യല്‍ സംവിധാനം കുറച്ചു കൂടി ഉത്തരവാദിത്വത്തോടെ പ്രവര്‍ത്തിക്കേണ്ടതുണ്ട്. പത്രങ്ങളില്‍ കൂടി പുറത്ത് വരുന്ന പൊതുവായ ചില ഇഷൂസില്‍ കോടതി നേരിട്ട് ഇടപെടുമ്പോള്‍, എന്തുകൊണ്ട് പൗരന്‍മാരുടെ നേര്‍ക്ക് ഭരണകൂട ഭീകരത നടപ്പിലാക്കുമ്പോള്‍ കോടതിക്ക് ഇടപെടാന്‍ പറ്റുന്നില്ല എന്നത് നമ്മെ വേദനിപ്പിക്കുന്ന ഒരു വസ്തുതയാണ്. നമ്മുടെ ജുഡീഷ്യല്‍ സംവിധാനത്തെ  കൂടുതല്‍ കരുത്തോടെ നിലനിര്‍ത്തുവാന്‍ നമ്മുടെ തെരഞ്ഞടുത്ത പ്രതിനിധികള്‍ നിയമം ഉണ്ടാക്കപ്പെടുമ്പോള്‍ ശ്രദ്ധിക്കുമെന്ന് പ്രത്യാശിക്കാം......